Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Андижонда иккинчи жаҳон уруши фахрийларига Президент совғалари топширилди
09:06 / 29.04.2017
8003

“Хотира ва қадрлаш куни” олдидан Андижон вилоятининг барча туманларида иккинчи жаҳон уруши қатнашчилари ҳамда меҳнат фахрийларига чуқур эҳтиром кўрсатилиб, тантанали тадбирлар ўтказилмоқда.

Бугун 28 апрель куни вилоятда яшаб келаётган 82 нафар иккинчи жаҳон уруши фахрийсига Президентимиз томонидан юборилган совғалар топширилди.

Вилоят ҳокими Шуҳратбек Абдураҳмонов совғаларни топшириш маросимларида ҳар бир фахрий номига жўнатилган Президент табригини ўқиб эшиттириб, юрт тинчлиги, равнақи учун курашган киши эл ардоғида бўлиши ҳақида сўзлади.

- Бугун тинч, фаровон, кексаларини қадрлаган юртда умргузаронлик қилаётганимдан беҳад хурсандман,- дейди Маслаҳат қишлоғилик тўқсон тўрт ёшни қаршилаган уруш қатнашчиси Ҳалимжон ота Йўлдошев. – Юртбошимиз томонидан берилган совғаларни олдик. Қўлларимиз дуода, ҳеч уруш кўрманглар болаларим.

Kun.uz мухбири Элмурод Эрматов, Андижон


Улашинг
Top