Rossiya fuqaroligini olgan amerikalik aktyor va jang san'ati ustasi Stiven Sigal Ukrainaga kirishi taqiqlangani haqidagi axborotga izoh berdi, deb ma'lum qildi aktyorning vakili.
"Menda qora belbog‘dan tashqari, endi "qora ro‘yxat" ham bor", deb aytgan Sigal. Aktyor vakilining ma'lum qilishicha, aktyor aykido bo‘yicha 7-dan sohibi hisoblanadi.
Avvalroq Ukraina xavfsizlik xizmati aktyorga Ukraina hududiga kirish taqiqlanganini ma'lum qilgandi.
Eslatib o‘tamiz, 2016 yil 3 noyabrda Rossiya prezidenti Vladimir Putin mashhur aktyorga Rossiya fuqaroligi berilishi haqidagi farmonni imzolagandi.
Aprel oyida Sigal Qrimga tashrif buyurgani uchun Ukrainaning "Mirotvorets" sayti ma'lumotlar bazasiga kiritilgandi. Sayt o‘zining ma'lumotlar bazasiga kiritilgan kishilarni ayirmachilar va "Kreml agentlari" deb ataydi.
