Shavkat Mirziyoyev Nursulton Nazarboyev bilan telefon orqali muloqot qildi

O‘zbekiston prezidenti Shavkat Mirziyoyev va Qozog‘iston prezidenti Nursulton Nazarboyev o‘rtasida telefon muloqoti o‘tkazildi. Bu haqda Qozog‘iston prezidenti matbuot xizmati xabar bergan.

Akorda xabarida aytilishicha, Shavkat Mirziyoyev qo‘shni davlat prezidentini tug‘ilgan kuni bilan tabriklagan, unga sog‘lik, farovonlik va oliy davlat lavozimida muvaffaqiyatlar tilagan.

Prezidentlar suhbat davomida ikki tomonlama hamkorlikning holati va istiqbollarini muhokama qilishgan va kun tartibidagi dolzarb mintaqaviy va xalqaro masalalar bo‘yicha fikr almashishgan.

Shuningdek, bo‘lajak uchrashuvlar jadvali ham ko‘rib chiqilgan.