Pentagon KXDR raketasi haqida ma'lumot berdi

Foto: Reuters

AQSh mudofaa vazirligidan ma'lum qilishlaricha, Shimoliy Koreya o‘rta masofadagi ballistik raketani uchirgan. Bu haqda RIA «Novosti» xabar bermoqda.

«AQSh QKning Tinch okeani qo‘mondonligi KXDR ballistik raketasi uchirilganini qayd etdi va uni kuzatib bordi. Dastlabki taxminlarga ko‘ra, bu o‘rta masofadagi ballistik raketa bo‘lgan», - deyiladi bayonotda.

Avvalroq Shimoliy Koreya Tinch okeani tomon raketa uchirgani xabar berildi. Shundan so‘ng Janubiy Koreya KXDR harakatiga javoban darhol o‘z ballistik raketasini uchirdi. Biroz o‘tib KXDR raketasi qancha masofani uchib o‘tgani va qanday balandlikka ko‘tarilgani ma'lum bo‘ldi.