Barchamiz dam olish kunlarini intizorlik bilan kutamiz. Ularni qanday o‘tkazishimiz bizning naqadar muvaffaqiyatli ekanimizdan dalolat berishi mumkin.
1. Ular reja tuzishmaydi
Dam olish kunlarini daqiqama-daqiqa rejalashtirib bo‘lmaydi, bu kunlari nimalar bilan shug‘ullanmoqchi ekaningizni taxminan tassavvur qilishning o‘zi yetarli. Shunda siz o‘z vaqtingizni tejaysiz va qiziqarli narsalarni o‘tkazib yubormaysiz.
2. Ular yaqinlari uchun vaqt topa olishmaydi
Sershovqin hafta davomida do‘stlar va yaqinlar uchun vaqt topish qiyin. Dam olish kunlari bu "bo‘shliq"ni to‘ldirishga harakat qiling.
3. Ular texnologiyalardan dam olishmaydi
Telefonni chetga suring, ishchi pochtangizdan chiqing. Hamkasblaringizga dam olish kunlari pochtaga javob bermasligingizni oldindan aytib qo‘ying.
4. Ular dam olish kunlaridan zavq olishmaydi
Qanday reja qilmang, u xoh uyda dam olish, xoh do‘stlar davrasida bo‘lsin, o‘zingizga zavq bag‘ishlaydigan ishlar bilan shug‘ullaning.
5. Ular ko‘p uxlashadi
Hafta davomida charchagan bo‘lishingiz mumkin. Biroq qanday bo‘lmasin, dam olish kunlarini faqat uxlash bilan o‘tkazish uyqu rejimini buzadi va kelayotgan haftada o‘zingizni yomon his qilishingizga sabab bo‘ladi.
6. Ular ko‘p pul sarflashadi
Albatta, ba'zan odam o‘zini o‘zi xursand qilgisi keladi. Biroq agar ish kunlari o‘zingizni cheklab, dam olish kunlari har nimaga pul sarflayversangiz, pul tejay olmaysiz, zavq ham olmaysiz. Ko‘ngil yozishning nisbatan arzonroq yo‘llarini izlang, uyda biror nima bilan shug‘ullaning yoki bepul tadbirga boring.
