Tojikiston bosh vaziri O‘zbekistonga keladi

Tojikiston bosh vaziri Qohir Rasulzoda noyabr oyi boshida O‘zbekistonga tashrif buyuradi, deya xabar bermoqda mahalliy nashrlar.

«Tojikiston bosh vaziri Qohir Rasulzoda O‘zbekiston Respublikasi prezidenti Shavkat Mirziyoyev va O‘zbekiston Respublikasi bosh vaziri Abdulla Aripov bilan bir qator ikki tomonlama uchrashuvlar o‘tkazishni rejalashtirmoqda», - deyiladi xabarda.

Amaliy tashrif kelgusi oyning birinchi kunlariga rejalashtirilgan hamda MDH davlatlari hukumatlari rahbarlari kengashining Toshkentdagi navbatdagi majlisiga to‘g‘ri keladi. Siyosatchilar uchrashuvi 3 noyabr kuni bo‘lib o‘tadi.

Yig‘ilish kun tartibiga MDH davlatlarining iqtisodiy sohadagi hamkorligini kengaytirish masalalari kiritilgan.