Makgregor Meyvezerni MMA qoidalari bo‘yicha jangga chorladi 

UFC’ning 70 kg.gacha bo‘lgan vazn toifasidagi chempioni irlandiyalik Konor Makgregor amerikalik bokschisi Floyd Meyvezer bilan MMA qoidalari bo‘yicha jang o‘tkazish niyatida ekanini ma'lum qildi. 

«Avvaliga Meyvezer MMA’dagi navbatdagi jang haqida gapirdi. Men bu bokschini shu yerga sudrab olib kelmoqchiman. Men uning dunyosiga kirdim hamda o‘z muxlislarim uchun shou tashkillashtirib berdim, ular esa jasurlik haqida gapirishmoqda. Endi Floyd mening olamimga kirsin», - deya Makgregorning so‘zlarini keltiradi BoxingScene.

Eslatib o‘tamiz, 2017 yilning 26 avgust kuni Las-Vegasda Makgregor Meyvezer bilan boks qoidalari bo‘yicha jang o‘tkazdi. Bellashuvda amerikalik g‘olibga aylandi, u o‘z raqibini o‘ninchi raundda nokautga uchratdi.