«Aftidan, Nyu-Yorkdagi terakt kasal va ruhan nosog‘lom inson tomonidan amalga oshirilgan», - deya yozdi AQSh rahbari tvitterda.
Bundan avvalgi xabarlarda Nyu-Yorkda terakt sodir etishda gumonlanayotgan O‘zbekistonning sobiq fuqarosi Sayfullo Saipov AQShga grin-karta orqali ko‘chib ketgani va Uber kompaniyasida haydovchi bo‘lib ishlagani aytilgandi.
31 oktabrda Nyu-Yorkning Quyi Manxetten tumanida, Jahon savdo markazi yonida sodir etilgan hujum oqibatida Belgiyaning bir fuqarosi halok bo‘lgan va 3 fuqarosi yaralangan. Shuningdek, Argentinaning 5 fuqarosi halok bo‘lgan va bir fuqarosi jarohat olgan.
