Kataloniyaning 200 meri Puchdemonni qo‘llab-quvvatlash uchun Bryusselga keldilar

Kataloniya viloyatining 200 aholi punkti merlari viloyatning sobiq rahbari Karles Puchdemonni qo‘llab-quvvatlagani Bryusselga kelishdi. Ta'kidlanishicha, Kataloniyada hammasi bo‘lib 947 ta shahar va posyolkalar mavjud.

Ular “Siyosiy mahbuslarga ozodlik” deb yozilgan plakatni qo‘llarida ushlagancha Yevropa komissiyasi binosi oldida tizilishib, Kataloniya madhiyasini ijro etishgan.

Kataloniya vakillari shu tariqa Puchdemonning jinoiy ta'qib qilinishiga YeIning e'tiborini qaratishni istashgan.

Madrid Puchdemon va Kataloniyaning yana bir necha rasmiy shaxslarini isyon ko‘tarishda, referendum o‘tkazish orqali davlat pullarini behuda sarflashda va muxtoriyat mustaqilligini e'lon qilishda ayblamoqda. 

Bryusselda Puchdemonning Ispaniyaga topshirilishi masalasi hal qilinmoqda.