Federer Shveytsariyada yil sportchisi bo‘ldi

Shveytsariyalik tennischi Rodjyer Federer o‘z mamlakatida yil sportchisi deb topildi. Bu haqda Blick nashri xabar tarqatdi.

Jahonning ikkinchi raqamli raketkasi o‘z faoliyatida yettinchi marta Shveytsariyaning eng yaxshi sportchisi deb topilmoqda. Joriy mavsumda Federer 7 titul sohibi bo‘ldi. Jumladan, Uimbldon va Australian Open turnirlarida g‘alaba qozondi.

Federerning ustozi Severin Lyuti yil murabbiyi sifatida taqdirlangan.

Shveytsariyada yilning eng yaxshi ayol sportchisi tog‘ chang‘isi sporti vakili Vendi Xoldener bo‘ldi, u 2017 yilgi jahon chempionatida birinchi o‘rinni qo‘lga kiritgandi.

Futbol bo‘yicha Shveytsariya terma jamoasi 2018 yilgi jahon chempionatiga yo‘l olgan holda yilning eng yaxshi jamoasi bo‘lgan.