Farg‘ona viloyatida 21 yoshli yigit o‘z onasi va opasini kaltakladi

Farg‘ona viloyatining Beshariq tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar tarqatdi.
 
Qayd etilishicha, 22 yanvar soat 21:45larda Beshariq tumani “Qum”  mahalla fuqarolar yig‘ini Karmak qishlog‘ida yashovchi, 1997 yilda tug‘ilgan J.Y. uyida oilaviy janjal oqibatida birga yashovchi onasi, 1964 yilda tug‘ilgan M.Ch. va opasi, 1986 yilda tug‘ilgan D.Ch. tanasining turli joylariga belkurak bilan urib, jarohat yetkazgan.

Oqibatda ular kasalxonaga yotqizilganlar. J.Y. esa qo‘lga olingan.