Breyvik afsusda ekani haqida birinchi marta ma'lum qildi

Norvegiyalik terrorchi Anders Breyvik o‘zi sodir qilgan xatti-harakatlardan afsusda ekani haqida birinchi marta ma'lum qildi. Bu haqda Verdens Gang gazetasi xabar bermoqda.

Nashr ma'lumotiga ko‘ra, Breyvik o‘zi saqlanayotgan qamoqxona ma'muriyatiga maktub bilan chiqqan. Unda o‘z xatti-harakatlaridan pushaymon ekani va «fashistlar mafkurasidan» voz kechganini ma'lum qilgan.

Breyvik ommaviy qotillik uchun 21 yilga ozodlikdan mahrum etildi. 2011 yilning 22 iyul kuni u multimadaniyat va «musulmonlar bostirib kirganiga» protest sifatida 77 kishini o‘ldirdi.

Eslatib o‘tamiz, avvalroq Jyeyson Born haqidagi filmlar rejissyori 77 kishini o‘ldirgan terrorchi haqida kino suratga olishi haqida xabar berilgandi.