Ukraina TIV rahbari mamlakat nega YeI va NATO a'zosiga aylana olmasligini aytdi

Ukraina tashqi ishlar vaziri Pavel Klimkinning ma'lum qilishicha, Ukraina ayni damda Yevropa ittifoqi va Shimoliy Atlantika alyansi a'zosiga aylanishga tayyor emas. Bu haqda «Interfaks» xabar bermoqda.

«Bugungi Ukraina hozircha YeI va NATO a'zosiga aylanish uchun imkoniyatlarga ega emas, biroq kelajakdagi Ukraina bizning do‘stlarimiz yordamida bunga albatta erishadi», - deya aytib o‘tdi Klimkin.

Uning so‘zlariga ko‘ra, islohotlarni amalga oshirishda asosiy e'tiborni korrupsiya bilan kurash va sud tizimiga qaratish kerak.

Eslatib o‘tamiz, avvalroq AQSh Ukrainani «Maydan va'dalarini bajarishga» chaqirgandi.