Foto: S7 Airlines
Oneworld global aviatsiya alyansi ishtirokchisi bo‘lgan S7 Airlines 2018 yilning 30 aprelidan Moskvadan Samarqandga parvozlarni boshlaydi. Bu haqda aviakompaniya matbuot xizmati xabar bermoqda.
Domodedovo aeroportidan Samarqandga S7 Airlines’ning to‘g‘ridan-to‘g‘ri muntazam reyslari har dushanba kunlari amalga oshiriladi.
Moskvadan uchish soat 21:35da, Samarqand aeroportiga qo‘nish mahalliy vaqt bilan 03:35da. Samarqanddan ortga reys seshanba kunlari 05:05da yo‘lga chiqadi, Moskvaga 07:20da yetib keladi. Parvozlar Airbus A320 zamonaviy laynerlarida amalga oshiriladi.
