Chempionlar ligasi va Yevropa ligasi finaliga hakamlar tayinlandi

UYeFA Chempionlar ligasi va Yevropa ligasi o‘yinlariga bosh hakamlarni tayinladi. Bu haqda tashkilot rasmiy sayti xabar tarqatdi.

Manba bergan xabarga ko‘ra, Chempionlar ligasi «Liverpul» va «Real» jamoalari o‘rtasidagi YeChL finalini Milorad Majich boshchiligidagi serbiyalik hakamlar brigadasi boshqarib boradi. Unga qanotlarda – Milovan Ristich va Dalibor Jurjyevich yordam beradi, darvoza ortidagi hakamlar – Nenad Jokich va Danilo Gruich, to‘rtinchi hakam – Kleman Tyurpen (Fransiya).

Yevropa Ligasining «Atletiko» va «Marsel» jamoalari o‘rtasidagi finalini boshqarish niderlandiyalik Byorn Kuypersga ishonib topshirildi. Unga qanotlarda Sander van Rukel va Ervin Zeynstra yordam beradi, darvoza ortidagi hakamlar – Pol van Bukel va Danni Makkeli. To‘rtinchi hakam – polshalik Shimon Marchinyak.