Endi “Andijon - Toshkent” poyezdiga tosh otishdi

Joriy yilning 18 may kuni noma'lum shaxs Farg‘ona viloyatining Qo‘shtepa tumanida “Marg‘ilon-Oltiariq” temir yo‘l bekatlari oralig‘ida “Andijon-Toshkent” yo‘nalishida qatnovchi yo‘lovchi poyezdining oynasiga tosh otishi natijasida vagon oynasi darz ketgan. 

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Olib borilgan surishtiruv ishlari natijasida yo‘lovchi poyezdi oynasiga Yangi hayot MFYda yashovchi 57 yoshli X.D. tosh otganligi aniqlanib ushlandi.

Eslatib o‘tamiz, avvalroq “Afrosiyob” tezyurar poyezdiga yana tosh otishgan, IIV bayonot bilan chiqqani xabar berilgandi. 

So‘ng oradan bir kun o‘tib, “Afrosiyob” tezyurar poyezdiga tosh otgan shaxs aniqlandi.