Yevropada plastmassa idishlar taqiqlanishi mumkin 

Yevrokomissiya plastmassadan tayyorlangan bir marta ishlatiluvchi mahsulotni taqiqlab, qayta ishlashga yaroqsiz chiqindi uchun yig‘im joriy qilmoqchi. Bu haqda Deutsche Welle ma'lum qildi. 

Taqiqlov bir martalik idishlar, oshxona anjomlari, ichimliklar uchun trubochkalar, uchiga paxta o‘ralgan tayoqchalar va pufaklar uchun plastik mahkamlagichlarga taalluqli bo‘ladi. Bundan tashqari, kafelarda yegulik uchun plastmassa qadoqlardan foydalanishni cheklash rejalashtirilmoqda.   

Yevrokomissar Gyunter Ettingerning fikricha, bunday choralar plastmassa chiqindilar hajmini kamaytirishga yordam beradi.