Tramp «Rossiya ishi» yakunlanmaguncha bosh prokurorni bo‘shatmaydi - CNN

AQSh prezidenti Donald Tramp Qo‘shma Shtatlar bosh prokurori Jyeff Seshnsni «Rossiya ishi» bo‘yicha surishtiruvlar yakunlanmaguncha ishdan bo‘shatmaydi. Bu haqda CNN telekanali davlat rahbarining advokati Rudolf Juliani bayonotiga asosan xabar bermoqda.

«Albatta, Tramp Seshnsdan shikoyat qildi. Trampda Seshnsdan norozi bo‘lishga qator sabablar bor. Ular bu haqda gaplashgani yoki gaplashmaganini bilmayman, biroq u surishtiruv yakunlanmagunga qadar uni ishdan bo‘shatmaydi», - deya aytib o‘tgan Juliani.

Shuningdek, yuristning ta'kidlashicha, uning fikricha, prezident bosh prokurorni ishdan bo‘shatishi kerak emas.

Eslatib o‘tamiz, avvalroq Tramp AQSh adliya vaziriga «Rossiya ishi» bo‘yicha talab qo‘ygani xabar qilingandi.