Putin: Rossiya Koreya yarim orolidagi vaziyat yaxshilanishi uchun barchasiga tayyor

Rossiya prezidenti Vladimir Putinning Avstriyaga qarashli ORF teleradiokompaniyasiga bergan intervyusida ma'lum qilishicha, Moskva Koreya yarim orolidagi vaziyatga yechim topish uchun barcha sa'y-harakatlarni ko‘rishga tayyor. Bu haqda Kreml saytida xabar berilgan.

«Buning uchun barcha sa'y-harakatlarni ko‘rishga tayyormiz. Biz Shimoliy Koreya rahbariyati bilan har doim aloqada bo‘lganmiz, iqtisodiyot sohasida qator qo‘shma uch tomonlama loyihalarni taklif qilmoqdamiz. Bu infratuzilma loyihalari, Rossiyadan Shimoliy Koreyaga, keyin esa Janubiy Koreyaga temir yo‘li», - deya aytib o‘tdi Putin.

Uning so‘zlariga ko‘ra, XXR ham mintaqadagi vaziyat yadrosizlanish tomoniga qarab harakatlanishi uchun o‘z hissasini qo‘shdi.

Shuningdek, uning ta'kidlashicha, «agarda barchamiz sa'y-harakatlarni birlashtirsak, o‘zimizga kerakli natijalarga erishamiz».

Eslatib o‘tamiz, avvalroq Putin Kim Chen Inga taklif bilan chiqqani xabar berilgandi.