Tatyana Karimova omma oldida ko‘rinish berdi - fotolar

Yaqindagina ijtimoiy tarmoqlar va messenjerlardagi kanallarda og‘ir kasallikdan so‘ng vafot etgani haqida mish-mish tarqalgan, keyinchalik bu xabar inkor etilgan Tatyana Karimova yana omma oldida ko‘rinish berdi.

Bugun Tatyana Karimova Islom Karimov Fondining chet elda ta'lim olish grantlarining stipendiatlari — Muzaffar Maksumov, Aleksandra Kim, Gulyuzbonu Ro‘ziboyeva va Stefaniya Abbosovalar bilan O‘zbekistonning Birinchi Prezidenti hayoti va faoliyatiga bag‘ishlangan ko‘rgazmada uchrashdi, — deb yozmoqda Islom Karimov fondining Feysbukdagi sahifasi.

O‘z so‘zlarida Tatyana Akbarovna yoshlarga ilg‘or chet el o‘quv maskanlaridagi o‘qishlarida omad, egallagan bilimlarini Vatanimiz ravnaqi yo‘lida qo‘llashlarini tiladi.

So‘nggi bir yarim yil ichida o‘zbekistonlik 23 nafar yigit-qizlar Karimov Fondining tahsil grantlarini qo‘lga kiritib, magistratura dasturi bo‘yicha Yevropaning yetakchi oliy o‘quv yurtlarida ta'lim olish imkoniyatiga ega bo‘ldilar, deyiladi xabarda.