08:29 / 13.07.2018
8136

Xitoydagi sanoat parkida yuz bergan portlash oqibatida 19 kishi halok bo‘ldi

Foto: Xinhua

Xitoyning janubi-g‘arbidagi Sichuan viloyatida joylashgan sanoat parki hududida portlash yuz berishi oqibatida 19 kishi halok bo‘ldi, 12 kishi jarohat oldi. Bu haqda mahalliy OAV xabar qilgan.

Voqea 12 iyulda mahalliy vaqt bilan soat 18.30da Ibin shahridagi Tszyan'an uyezdida yuz bergan.

Portlash kimyoviy mahsulotlar ishlab chiqaruvchi fabrikaning 3 qavatli binosini to‘liq yo‘q qilgan, yaqin oradagi binolar oynalari singan. Portlashdan keyin boshlangan yong‘in bartaraf etilgan.

Voqea joyiga mahalliy hukumat vakillari kelishgan, voqea tafsilotlari aniqlashtirilmoqda.

Top