Sirdaryoda “Kobalt”ning “MAN” orqa qismiga urilishi natijasida 2 kishi halok bo‘ldi

Sirdaryo viloyatining Sardoba tumanida mudhish yo‘l-transport hodisasi yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

11 avgust kuni Jizzax shahar “O‘ratepa” MFYda yashagan I.E. o‘zining “Kobalt” rusumli avtomashinasini “Otayurt” MFY hududidan o‘tuvchi M-39 avtomobil yo‘lining 937-km.da haydab ketayotib, o‘zidan oldinda harakatlanib ketayotgan V.I. boshqaruvidagi “MAN” rusumli yuk avtomashinasining orqa qismiga urilib yo‘l-transport hodisasini sodir etgan.

Natijada “Kobalt” avtomashinasi haydovchisi, I.E. jarohat olib voqea joyida halok bo‘lgan. Uning 3 nafar yo‘lovchilari kasalxonaga yotqizilgan ammo ko‘rsatilgan tibbiy muolajalarga qaramay ulardan biri Jizzax shahrida yashagan Sh.M. vafot etgan.