Lukashenko: Belarus hech qanday davlatning «vassali» bo‘lmaydi

Belarus prezidenti Aleksandr Lukashenkoning ma'lum qilishicha, Belarus davlati hech qachon biron-bir mamlakatning «vassali» bo‘lmaydi. Bu haqda «BelTA» xabar qilmoqda.

Lukashenkoning so‘zlariga ko‘ra, Rossiya Belarusga eng yaqin mamlakat hisoblanadi. Mamlakatlar o‘rtasida «mukammal» bajarilishi kerak bo‘lgan kelishuvga erishilgan. Lukashenkoning ta'kidlashicha, Belarus hech qachon biron-bir mamlakatning «vassaliga» aylanmaydi.

«Bizdan talab qilish kerak emas. Ba'zilar esa shunday narsalar yozishni boshlashmoqda: «Lukashenkoga tezroq Rossiya tarkibiga kirishi va Belarusni o‘sha yerga kiritishi kerak». Bu Belarusda bunday qaror qabul qiladigan siyosatchining so‘nggi kunlari bo‘ladi», - dedi Lukashenko.

Eslatib o‘tamiz, avvalroq Lukashenko Belarus demokratik bloklar bilan qisilib qolganini ma'lum qilgandi.