Forbes: Rossiya «Novichok» bilan zaharlash holatidan keyin yakkalanib qolmadi

Buyuk Britaniyada London Moskva aloqador deb hisoblovchi Solsberidagi zaharlash holati bo‘yicha tafsilotlar oshkor etilgach, Rossiya bir o‘zi, yolg‘iz qolib ketmadi. Bu haqda Amerikaning Forbes jurnali yozmoqda.

Nashr Moskva yakkalab qolmaganiga oid dalillar sifatida Rossiya prezidenti Vladimir Putin yaqinda Avstriya TIV rahbari Karin Knayslning to‘yiga mehmon sifatida tashrif buyurgani, shuningdek, hech narsaga qaramay Qo‘shma Shtatlar prezidenti Donald Tramp bilan yaxshi munosabatlar va Italiya hukumatining qo‘llab-quvvatlovini tilga olgan.

Forbes’ning ta'kidlashicha, hozirda vazifa shundan iboratki, «bir tuman ayblovlar va rad etishlar aro» bu Buyuk Britaniya va o‘ta muhim bo‘lgan - G‘arbning Rossiya bilan munosabatlari uchun qanday ahamiyatga ega ekanini tushuna olishdir. 

Bundan tashqari, nashr Rossiya Yevropa ittifoqiga eng yirik energiya yetkazib beruvchi ekanini yoddan chiqarmaslikka chaqirgan. Shuningdek, NATO ham, Rossiya ham kuchni ko‘rsatib qo‘yish sifatida baholanishi mumkin bo‘lgan ko‘plab harbiy mashqlar o‘tkazishni rejalashtirmoqda. Qarama-qarshilikka qaramasdan, G‘arb va Rossiyada o‘zaro manfaatli munosabatlar o‘rnatish uchun salohiyat bor, biroq bu safar ularni yanada mustahkam poydevorga qo‘yish kerak, deyiladi materialda.

Avvalroq, Britaniya huquq-tartibot organlari Solsberida GRU sobiq polkovnigi Sergey Skripal va uning qizi Yuliyani zaharlashga aloqador bo‘lgan shaxslar aniqlangani haqida ma'lum qilgandi. Britaniyada ularning ismlari ham oshkor etildi (Aleksandr Petrov va Ruslan Boshirov), biroq bu o‘ylab topilgani yashirilmadi. Ammo, qo‘shimcha qilinishicha, Britaniya hukumatiga haqiqiy ismlar ham juda yaxshi ma'lumdir. Bundan tashqari, Skripallarni zaharlagan shaxslarning Solsberidagi harakatlanishi tasvirlangan fotosuratlar va video e'lon qilindi. Rossiya Tashqi ishlar vazirligi Londondan Skripallar ishi bo‘yicha gumonlanuvchilarning shaxsiy ma'lumotlarini talab qilishdi, e'lon qilingan fotosuratlar esa «trolling», deb ataldi.

Rossiya Solsberida rossiyalik sobiq zobit Sergey Skripal va uning qizini zaharlashga aloqador ekanini rad etmoqda.

Eslatib o‘tamiz, avvalroq Skripallarni zaharlagan shaxslar tasvirlangan video paydo bo‘lgandi.