Tojikiston O‘zbekiston bilan munosabatlarning yaxshilanishi tufayli nimadan voz kechgani aytildi

«O‘zbekiston bilan munosabatlarning yaxshilanishi Dushanbeni Turkmanistondan Tojikistonga temir yo‘lni Afg‘oniston shimoli orqali qurish g‘oyasidan «vaqtinchalik voz kechishga» majburladi», - deya aytib o‘tdi Tojikistonning O‘zbekistondagi elchisi Sodiq Imomiy Ashurboyzoda «Kommersant'» bilan suhbatda.

Toshkentda 20 sentabr kuni «Markaziy Osiyo xalqaro transport yo‘laklari tizimida» konferensiyasi bo‘lib o‘tdi, unda O‘zbekiston bosh vaziri Abdulla Aripov ishtirokchilarga Shavkat Mirziyoyevning murojaatini o‘qib eshittirdi. O‘zbekiston prezidenti Shavkat Mirziyoyev qo‘shni mamlakatlar bilan transport aloqalarini mustahkamlash, shuningdek, Yevroosiyo logistik xaritasini o‘zgartiruvchi bir nechta yangi temir yo‘llari qurishni rejalashtirmoqda. Hozir ushbu mintaqada tashuvchilar vaqtning 40%gacha yo‘qotishga majbur bo‘lmoqda. Shu sababdan ham bunga bog‘liq xarajatlar tufayli narxlar oshmoqda, deyiladi maqolada.

Gurbanguli Berdimuhamedov, Imomali Rahmon hamda Hamid Karzay o‘rtasida Turkmaniston-Afg‘oniston-Tojikiston (TAT) transafg‘on yo‘lagini barpo etish bo‘yicha uch tomonlama muzokaralar va qurilish loyihasi bo‘yicha memorandumni imzolash 2013 yil boshida bo‘lib o‘tdi. 2016 yilning noyabrida Turkmaniston yo‘lning o‘z uchastkasi qurilishini yakunlab, uni Afg‘oniston bilan chegaragacha olib bordi.