Ulug‘bek Lapasov BMTning Shveytsariyadagi bo‘linmasi bosh direktoriga ishonch yorliqlarini topshirdi

O‘zbekiston Respublikasining Jyenevadagi BMT bo‘linmasi va boshqa xalqaro tashkilotlardagi doimiy vakili Ulug‘bek Lapasov BMTning Shveytsariyadagi bo‘linmasi bosh direktori Maykl Myollerga ishonch yorliqlarini topshirdi.

Marosim davomida O‘zbekiston va BMT o‘rtasidagi munosabatlarning holati hamda istiqbollari haqida fikr almashildi.

Xususan, Myollerga keng ko‘lamli islohotlar va 2017-2021 yillarda O‘zbekistonni rivojlantirishning beshta ustuvor yo‘nalishlari bo‘yicha Harakatlar strategiyasini amalga oshirish to‘g‘risida ma'lumot berildi.

BMT vakili O‘zbekistonda amalga oshirilayotgan, milliy iqtisodiyotni yanada rivojlantirish hamda aholi farovonligini oshirishga, shuningdek, O‘zbekistonning BMT tuzilmalari va xalqaro tashkilotlar bilan hamkorligini kuchaytirishga qaratilgan islohotlarni ma'qulladi.