Ostonada o‘zbekistonlik sakkiz nafar qiz fohishalik bilan shug‘ullanishga majburlangan 

Ostonada yashovchi 40 yoshli ayol fohishalik bilan shug‘ullanishga jalb etishda gumonlanmoqda, deb xabar beradi Zakon.kz.

Jabrlanuvchilardan birining aniqlik kiritishicha, «Oksana» (gumonlanuvchi o‘zini shunday deb tanishtirgan) qizlarning pasport olib qo‘ygan va ular har kuni saunalar, mehmonxonalar hamda ijaraga olingan kvartiralarda jinsiy xarakterga ega xizmatlarni ko‘rsatish orqali 17 ming tengedan (taxminan 377 ming so‘m) pul berishlari haqida shart qo‘ygan.

«Gumonlanuvchining yashash joyida O‘zbekiston Respublikasi fuqarolari bo‘lgan sakkiz nafar qizning pasportlari va pullar topildi. Bundan tashqari, gumonlanuvchining kvartirasida yana uch nafar qiz bo‘lgan. Ularning politsiyaga xabar berishicha, kvartira egasi ularni fohishalik bilan shug‘ullanishga majburlagan va pul bermagan», - deyiladi nashr xabarida.

Tadbirlarni o‘tkazish chog‘ida fohishalik bilan shug‘ullanishga majburlangan boshqa qizlar bo‘lgan yana bir nechta kvartira aniqlandi.

Sudga qadar tekshiruv o‘tkazilmoqda. Jabrlanuvchilarga yordam ko‘rsatish maqsadida ular «Korgau Ostona» xususiy jamg‘armasiga joylashtirildi.