Izsiz g‘oyib bo‘lgan jurnalist. Pompeo Saudiyaga chaqiriq bilan chiqdi

AQSh davlat kotibi Mayk Pompeo Saudiya Arabistoni hukumatini yo‘qolib qolgan saudiyalik muxolif jurnalist Jamol Qoshiqchi bilan bog‘liq holatni jiddiy tekshiruvdan o‘tkazishga chaqirdi. Bu haqda RIA «Novosti» Davlat departamenti matbuot xizmatiga asosan xabar bermoqda.

Agentlik ma'lumotlariga ko‘ra, Pompeo, shuningdek, Ar-Riyodni surishtiruv natijalarining oshkoraligini ta'minlashga ham chaqirdi.

Ta'kidlanishicha, Amerika Qo‘shma Shtatlari va Saudiya Arabistoni Qoshiqchining yo‘qolib qolishi bo‘yicha vaziyatni diplomatik kanallar orqali muhokama qilishgan. 

Eslatib o‘tamiz, avvalroq Tramp yo‘qolib qolgan saudiyalik jurnalistning taqdiridan tashvishga tushgandi.

Qo‘shma Shtatlar prezidentining so‘zlariga ko‘ra, bu holat «uni tashvishga solmoqda». Shuningdek, uning qo‘shimcha qilishicha, hozirgi vaqtda «hech kim bu haqda hech narsa bilmaydi».