Amerikalik senator Ar-Riyodga qurol yetkazib berishni taqiqlash bilan tahdid qildi

Amerikalik senator Rend Polning ma'lum qilishicha, Qo‘shma Shtatlardan Saudiya Arabistoniga qurol-aslaha yetkazib berishni butunlay to‘xtatishga erishmoqchi. Bu haqda The Hill xabar berdi.

Uning so‘zlariga ko‘ra, agar Ar-Riyod saudiyalik muxolif jurnalist Jamol Qoshiqchining yo‘qolib qolishiga aloqador ekanini aniqlanadigan bo‘lsa, bunday qadamga borishga tayyordir.

Shuningdek, uning qo‘shimcha qilishicha, AQSh prezidenti Donald Trampning Saudiya Arabistonini Amerika qurol-yarog‘i bilan ta'minlash masalasidagi pozitsiyasiga qo‘shilmaydi.

Biroq, Polning qayd etishicha, yo‘qolib qolgan jurnalist atrofidagi vaziyat Trampning fikrini o‘zgartirishi mumkin.

Eslatib o‘tamiz, avvalroq AQSh davlat kotibi Mayk Pompeo Saudiya Arabistoni hukumatini yo‘qolib qolgan saudiyalik muxolif jurnalist Jamol Qoshiqchi bilan bog‘liq holatni jiddiy tekshiruvdan o‘tkazishga chaqirgandi.