Singapurda Rossiya-ASeAN sammiti oldidan Rossiya prezidenti Vladimir Putinni o‘rnatilgan tartib-qoidaga zid ravishda metallqidirgich ramkasidan o‘tishga majbur qilishdi. Bu haqda Kreml muxbirlari qatoriga kiruvchi “Kommersant” muxbiri Andrey Kolesnikov xabar qildi.
Muxbirning aytishicha, sammit o‘tgan Suntec savdo-ko‘rgazma markazida Putin har doimgidek metallqidirgich ramkasi yonidan o‘tib ketmoqchi bo‘lganda, unga ramka orqali o‘tishi kerakligini ko‘rsatishgan. Kolesnikovning ta'kidlashicha, bu “hech kuzatilmagan noodatiy hodisa” bo‘lgan: prezidentlarga odatda “doimo mavjud va biror ustunchalar bilan chegaralab qo‘yiladigan” qo‘shimcha o‘tish joyi ochiladi.
Muxbirning qo‘shimcha qilishicha, Putin ramkadan o‘tayotganda u ishlab ketgan.
Shuningdek, “Kommersant” muxbirining ma'lum qilishicha, Putinning yordamchisi Yuriy Ushakov prezidentni samolyot trapi oldida kutib olish vaqtida avtobusda tekshiruvdan o‘tkazilgan.
O‘z navbatida, rus nashrlaridan yana biri Rossiya delegatsiyasi a'zolari, jumladan tashqi ishlar vaziri Sergey Lavrov va Putinning matbuot kotibi Dmitriy Peskov Putin va Singapur yetakchisi Halima Yoqub kirib kelishi oldidan “davrani kengroq olish uchun” xavfsizlik xizmati xodimlari tomonidan orqaroqqa itarilayotganlari videosini e'lon qilgan.
Konfuz dnya: Singapurtsy ottesnyayut rossiyskuyu delegatsiyu vo glave s Lavrovym, chtoby osvobodit mesto dlya rukopojatiya prezidentov Rossii i Singapura.
Malenkaya strana, mesta malo pic.twitter.com/b2N7OgSiIc
— Dmitriy Smirnov (@dimsmirnov175) 13 noyabrya 2018 g.
Putin Singapurga 13 noyabrda 3 kunlik tashrif bilan keldi.
