14:42 / 07.12.2018
7959

Markaziy bank ilk depozit auksionlari o‘tkazilishi haqida ma'lum qildi

Markaziy bank 12 dekabr kuni ikkita depozit auksioni o‘tkazilishi haqida e'lon qildi.

Har ikkisi ham foizli depozit auksion turi. Depozit muddati - 14 va 30 kunga. Birinchisida depozit auksioni bo‘yicha maksimal foiz stavkasi 16 foiz, ikkinchisida - 17 foiz.

Mablag‘lar depozitga 12 dekabr kuni o‘tkaziladi va mos ravishda, 2018 yil 26 dekabr hamda 2019 yil 11 yanvar kuni mablag‘lar qaytariladi va depozit bo‘yicha foizlar to‘lanadi.

Birinchisida (14 kun) depozit auksioniga jalb qilinadigan mablag‘larning maksimal miqdori 400 mlrd so‘m, har bir ariza bo‘yicha taklif etiladigan minimal miqdor - 1 mlrd so‘m. Ikkinchisida (30 kun) depozit auksioniga jalb qilinadigan mablag‘larning maksimal miqdori - 200 mlrd so‘m, har bir ariza bo‘yicha taklif etiladigan minimal miqdor - 1 mlrd so‘m.

Depozit auksioni - bu Markaziy bank tomonidan tijorat banklaridan depozitlar joylashtirish uchun qabul qilib olinuvchi auksion savdolari.

Eslatib o‘tamiz, avvalroq Markaziy bank qayta moliyalash stavkasini qachon ko‘rib chiqishi ma'lum bo‘lgandi.

Top