Chilida Alexandro Ramos ismli g‘avvos suv sirtiga ko‘tarilish bilan muammo yuz bergani sabab tanasi hajmi go‘yoki u birdaniga shishib ketganday keskin kattalashib ketdi. Bu haqda Daily Mail nashri xabar berdi.
Ramos 30 metr chuqurlikda ishlayotganda favqulodda vaziyat yuz bergan: nafas olish uchun havo yetkazib turuvchi shlangga shikast yetishi sababli u shoshilinch ravishda suv sirtiga ko‘tarilishiga to‘g‘ri kelgan. Sirtga tez ko‘tarilish g‘avvoslar uchun falokatli ta'sir qilishi mumkin: ularda dekompression kasallik avj olishi, og‘ir holatlarda esa o‘limga olib kelishi mumkin. Ramos omon qolgan, biroq uning tanasi shishib ketgan.
G‘avvosning vazni keskin oshib, 30 kgga og‘irlashgan. Erkakning yelka, qo‘l va ko‘krak mushaklari kattalashib ketgan. Ramos puli yo‘qligi sababli malakali tibbiy yordam so‘rab murojaat qilolmagan.
Falokat erkakning hayotiga fojiali ta'sir ko‘rsatgan. U ishlay olmagan, odamlardan o‘zini olib qochgan, tushkunlikka tushib, hattoki o‘z joniga qasd qilishni o‘ylay boshlagan. Biroq Ramos tushgan holat bilan Limadagi harbiy-dengiz floti tibbiyot markazi qiziqib qolgan. U yerda o‘tkazilgan tashxis g‘avvosning tanasidagi yog‘ to‘qimalari ular ichiga kirgan azot pufakchalari hisobiga kattalashganini ko‘rsatgan. Ta'kidlanishicha, erkak davolanishdan tashqari, plastik operatsiyalardan ham o‘tishiga to‘g‘ri keladi.
