«Tottenhem» bosh murabbiyi Maurisio Pochettino mavsum yakunida «Manchester Yunayted»ga o‘tishi mumkin.
Argentinalik mutaxassis – mankunianliklar bosh murabbiyligi uchun asosiy nomzod bo‘lib turibdi.
The Times xabariga ko‘ra, Pochettinoning shartnomasida uning tovon puli miqdori keltirilmagan. «Tottenhem» bir necha marcha bayonot berib, ushbu mutaxassisga qiziqish bildirayotgan «Real» bilan ham, «Manchester Yunayted» bilan ham muzokara o‘tkazmasligini ma'lum qilgandi.
Shu tufayli, «MYu» mutaxassis uchun London klubiga shartnoma bo‘yicha 4 yillik maoshini – 34 million funtni to‘lab berishiga to‘g‘ri keladi. Pochettino shu yil yozida yangi 5 yillik shartnoma imzolagan, unga ko‘ra yillik maoshi miqdori 8,5 million funtga yetgandi.
Oxirgi vaqtlarda Pochettino «Tottenhem» rahbariyatidan faqat yosh futbolchilarga ishonch bildirib, tarkibni kuchaytirish uchun mablag‘ ajratmayotganidan noroziligi haqida xabarlar tarqalgandi.
Bugun «MYu» Joze Mourinoni iste'foga chiqardi, uning o‘rniga mavsum oxiriga qadar jamoaning sobiq futbolchisi, Mourinoning murabbiylar shtabida ishlagan Maykl Kerrik murabbiy etib tayinlanadigan bo‘ldi.
«MYu» bosh murabbiyligi uchun nomzodlar qatorida Loran Blan va Zinedin Zidan nomlari ham tilga olinmoqda.
