21 dekabr kuni Kataloniya mustaqilligi tarafdorlari Ispaniya hukumatining Madriddan Barselonaga ko‘chirilgan yig‘ilishi vaqtida norozilik aksiyasi o‘tkazishdi.
Kataloniyaga mamlakat bosh vaziri Pedro Sanches kelishidan norozi bo‘lgan namoyishchilar hududdagi o‘nlab yo‘llarni to‘sib qo‘yishdi.
Faollar yig‘ilish o‘tkazilayotgan hududga bostirib kirishmoqchi bo‘lishgan, ammo politsiya ularni to‘xtatgan. Namoyishchilar va politsiyachilar o‘rtasida yuzaga kelgan to‘qnashuv vaqtida 15 kishi jarohatlangan. Politsiya kamida 11 kishini qo‘lga olgan.
