Tramp KXDR masalasida o‘zgarish borligini ma'lum qildi

Foto: AFP/Getty Images

AQSh prezidenti Donald Tramp KXDRning yadrosizlanishi masalasida olg‘a siljish yuz bergani haqida ma'lum qildi. Bu haqda u tvitterdagi sahifasida yozgan.

«Shimoliy Koreya bo‘yicha ishlaydigan mening jamoam bilan rojdestvodan oldingi brifing - olg‘a siljish bor. Rais Kim bilan kelgusi sammitni kutmoqdaman!», - deya ma'lum qildi u.

Bundan oldin Donald Tramp Shimoliy Koreya yetakchisi Kim Chen In bilan muzokaralarda shoshilmayotgani haqida aytgandi.

Trampning so‘zlariga ko‘ra, KXDR bilan muzokaralar yaxshi kechmoqda.

Eslatib o‘tamiz, avvalroq KXDR AQShning yangi sanksiyalarini siyosiy provokatsiya deb atagandi.