08:17 / 27.12.2018
9850

Janubiy Koreya va KXDR temir yo‘llarni birlashtirdi

Foto: REUTERS

26 dekabr, chorshanba kuni Shimoliy Koreya va Janubiy Koreya o‘rtasidagi chegarada, KXDRning Keson shahri yaqinida temir yo‘llarni birlashtirishga bag‘ishlangan tantanali marosim o‘tkazildi. Bu haqda «Kommersant'» gazetasi yozmoqda.

Nashrdan eslatishlaricha, 2016 yilgacha Keson Janubiy Koreya korxonalari faoliyat yuritgan erkin iqtisodiy zona bo‘lgan.

Bu yil Seul va Pxenyan o‘rtasidagi munosabatlarda jiddiy o‘zgarish yuz berganini ifodalovchi marosimga Janubiy va Shimoliy Koreya delegatsiyalari, shuningdek, Xitoy, Mo‘g‘uliston hamda Rossiya vakillari tashrif buyurdi. Rossiya tomonidan transport vazirining o‘rinbosari Vladimir Tokarev ishtirok etdi.

«Janubiy Koreya chegarasidan Kesonga olib boradigan yo‘llar haqiqatan ham qayta tiklandi, biz ulardan o‘tdik. Yo‘lning qolgan qismini tiklash uchun, turli hisob-kitoblarga ko‘ra, 2-8 milliard dollar talab etiladi. Agar siyosiy qaror qabul qilinsa, bu operatsiya bir yil ichida amalga oshirilishi mumkin», - dedi Tokarev. 

Eslatib o‘tamiz, avvalroq Tramp KXDR masalasida o‘zgarish borligini ma'lum qilgandi.

Mavzuga oid
Top