O‘zbekiston va Qirg‘iziston chegara masalalari bo‘yicha muzokara o‘tkazdi

2018 yilning 20-27 dekabr kunlari Toshkent shahrida Davlat chegarasini delimitatsiya qilish masalalari bo‘yicha O‘zbekiston va Qirg‘iziston hukumat delegatsiyalari ishchi guruhlarining navbatdagi uchrashuvi bo‘lib o‘tdi.

TIV xabariga ko‘ra, muzokaralar chog‘ida ishchi guruhlarining O‘zbekiston-Qirg‘iziston Davlat chegarasi to‘g‘risidagi shartnoma (2017 yil 5 sentabr) imzolanganidan keyingi faoliyati yakunlari ko‘rib chiqilgan.

Uchrashuv do‘stona muhitda o‘tdi. Muzokaralar yakunida tegishli Bayonnoma imzolandi, deyiladi xabarda.