Messi va Ronaldu arzonlashdi. 2018 yilda narxi tushgan yulduzlar o‘nligi

2018 yilda bir qator jahon yulduzlarining transfer qiymati pasaydi. Quyida transfermarkt ma'lumotlariga ko‘ra narxi arzonlashgan futbolchilar o‘nligi keltiriladi. Bu ro‘yxatda jahonning ayni vaqtdagi eng kuchli ikki futbolchisi Lionel Messi va Krishtianu Ronaldu ham bor.

1. Luis Suares
Klubi: «Barselona»
Yoshi: 31
Yil boshidagi transfer narxi: 85 million yevro
Yil oxiridagi transfer narxi: 60 million yevro
Tushish ko‘rsatkichi: 25 million yevro (29,4 foiz)

Urugvaylik hujumchi o‘yinidagi pasayish uning transfer qiymatiga sezilarli darajada ta'sir ko‘rsatdi. Suares avgust va noyabr oylarida «quruq» seriya qayd etdi. Shu bilan birga u Lionel Messi jarohat olib safdan chiqqan vaqtda muhim o‘yinlarda, jumladan «Real»ga qarshi o‘yinlarda barchasini o‘z qo‘liga olib, goleadorlik xususiyatini namoyish etdi. Lekin u 21 o‘yindan 13tasida maydonni golsiz tark etgan.

2. Lionel Messi
Klubi: «Barselona»
Yoshi: 31
Yil boshidagi transfer narxi: 180 million yevro
Yil oxiridagi transfer narxi: 160 million yevro
Tushish ko‘rsatkichi: 20 million yevro (11,1 foiz)

Messining narxi pasayishi uning o‘yinlari bilan emas, yoshi bilan bog‘liq. Messi Suaresdan farqli ravishda samaradorlik ko‘rsatishda davom etmoqda, joriy yilda u «Barselona» safida 49 o‘yinda 47ta gol urdi.

3. Krishtianu Ronaldu
Klubi: «Yuventus»
Yoshi: 33
Yil boshidagi transfer narxi: 120 million yevro
Yil oxiridagi transfer narxi: 100 million yevro
Tushish ko‘rsatkichi: 20 million yevro (16,7 foiz)

Ronaldu bilan vaziyat ham shunday - yoshi ulg‘aygani, faoliyatining oxiri yaqinlashgani transfer qiymatiga ta'sir ko‘rsatdi. Mavsum arafasida u yangi chaqiriqqa «labbay» deya javob qaytarib, Italiyaga yo‘l oldi. U «Yuventus» safida «Real»dagi kabi ko‘p gol urmayapti, lekin endi u jamoaviy futbolchiga aylanib bormoqda.

4. Gonsalo Iguain
Klubi: «Milan»
Yoshi: 31 
Yil boshidagi transfer narxi: 70 million yevro
Yil oxiridagi transfer narxi: 50 million yevro
Tushish ko‘rsatkichi: 20 million yevro (28,7 foiz)

Argentinalik futbolchi «Yuventus»ga Ronaldu kelishi qurboniga aylandi. Klub uni «Milan»ga ijaraga berib yubordi, lekin u milanliklar safida ham qolmaydigan ko‘rinadi. Bu klub keyingi mavsumda ham uni ijarada qoldirmoqchi emas, bu esa futbolchining transfer qiymatini yanada tushirishi tayin.

5. Aleksis Sanches
Klubi: «Manchester Yunayted»
Yoshi: 30
Yil boshidagi transfer narxi: 65 million yevro
Yil oxiridagi transfer narxi: 40 million yevro
Tushish ko‘rsatkichi: 25 million yevro (30,8 foiz)

Klubini o‘zgartirish zarariga ishlagan yana bir futbolchi. Joriy yil boshida «Arsenal»dan «MYu»ga o‘tgan Aleksis o‘tgan vaqt davomida atigi 30 o‘yinda maydonga tushdi va atigi 4 gol urdi. Shundan faqat bittasi joriy mavsumga to‘g‘ri keladi. «Manchester Yunayted»ga moslashish jarayoni cho‘zilib ketgan futbolchi bosh murabbiy Joze Mourino bilan munosabatlarni yomonlashtirib oldi va ko‘p o‘yinlarda ishtirok eta olmadi. Bundan tashqari, u bir necha marta jarohat oldi va bularning barchasi transfer qiymatida aks etdi.

6. Yannik Ferreyra-Karrasko
Klubi: «Dalyan Ifan»
Yoshi: 25
Yil boshidagi transfer narxi: 40 million yevro
Yil oxiridagi transfer narxi: 20 million yevro
Tushish ko‘rsatkichi: 20 million yevro (50 foiz)

U ushbu ro‘yxatda yoshi 30dan kichik bo‘lgan yagona futbolchidir. Belgiyalik futbolchi «Monako» va «Atletiko»ning asosiy tarkibiga kira olmagach, kutilmaganda katta mablag‘ ishlash uchun Xitoyga yo‘l oldi. U Osiyoda 26 o‘yinda 7 gol urdi, Belgiya terma jamoasiga chaqirilib, jahon chempionatida qatnashdi va bronza medallariga ega chiqdi. Ammo uning «Dalyan»ni tanlashi narxini ikki barobar pasaytirdi.

7. Mesut O‘zil
Klubi: «Arsenal»
Yoshi: 30
Yil boshidagi transfer narxi: 50 million yevro
Yil oxiridagi transfer narxi: 35 million yevro
Tushish ko‘rsatkichi: 15 million yevro (30 foiz)

Emeri bu futbolchini ko‘p bor almashtirmoqda. U bu mavsumda 27 o‘yindan faqat 15tasida maydonga tushgan. Qishki transferlar vaqtida u jamoani tark etishi kutilmoqda.

8. Luka Modrich
Klubi: «Real»
Yoshi: 33
Yil boshidagi transfer narxi: 40 million yevro
Yil oxiridagi transfer narxi: 25 million yevro
Tushish ko‘rsatkichi: 15 million yevro (37,5 foiz)

G‘alati paradoks. Jahon chempionati kumush medali egasi, turnirning eng yaxshi futbolchisi, «Oltin to‘p» sohibi bo‘lgan xorvatiyalik ushbu ro‘yxatdagi transfer qiymati eng past futbolchilardan biridir. Buni shunday izohlash mumkin: birinchidan, sentabr oyida Luka 33 yoshga to‘ldi, ikkinchidan, u «Real» bilan mavsumni o‘ta muvaffaqiyatsiz o‘tkazmoqda. Qolaversa, u Madrid klubidan ketib, «Inter»ga borib qo‘shilishi mumkin.

9. Arturo Vidal
Klubi: «Barselona»
Yoshi: 31
Yil boshidagi transfer narxi: 35 million yevro
Yil oxiridagi transfer narxi: 20 million yevro
Tushish ko‘rsatkichi: 15 million yevro (42,9 foiz)

Yozda chililik futbolchi tavakkalga qo‘l urib, «Bavariya»dan «Barselona»ga o‘tdi. Ammo katalonlar klubidagi haddan tashqari kuchli raqobat, unga asosiy tarkibga kirish imkonini bermayapti. Yaqindagina Yevropa futbolidagi eng kuchli yarimhimoyachilardan biri bo‘lgan Vidal endi asosan zaxiradan o‘yinlarga qo‘shilmoqda - u Ispaniya chempionatining joriy mavsumida faqat 3 o‘yinni boshlang‘ich tarkibda boshlagan, yana 12 o‘yinda ikkinchi bo‘limda zaxiradan tushirilgan. Bu esa transfer qiymatida aks etmoqda.

10. Manuel Noyyer
Klubi: «Bavariya»
Yoshi: 32
Yil boshidagi transfer narxi: 35 million yevro
Yil oxiridagi transfer narxi: 22 million yevro
Tushish ko‘rsatkichi: 13 million yevro (37,1 foiz)

Darvozabon 2017 yilgi og‘ir jarohatlaridan qutulib olgan, lekin hali yuqori sport formasiga qaytmagan. Endi u avvalgidek jahonning eng kuchli darvozaboni emas, shunchaki yaxshi darvozabonga aylanib qolgan.