Soliq kodeksining yangi tahriri sentabr oyigacha ishlab chiqiladi

Soliq kodeksining yangi tahriri 2019 yil 1 sentyabrga qadar ishlab chiqiladi. Bu haqda 2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi loyihasida aytiladi.

Bu borada O‘zbekiston Respublikasi qonuni loyihasi qabul qilinadi. 

Loyihada:

ilg‘or xorijiy tajribadan kelib chiqqan holda, xalqaro moliya tashkilotlari mutaxassislari bilan birgalikda Soliq kodeksining yangi tahririni ishlab chiqish;

halol soliq to‘lovchilarni rag‘batlantirish va yashirin faoliyat yuritadigan sub'yektlarni jazolash mexanizmlari nazarda tutiladi.

Ijro uchun mas'ullar - Moliya vazirligi, Davlat soliq qo‘mitasi, vazirlik va idoralar.

Eslatib o‘tamiz, avvalroq Korzinka.uz tarmog‘ining asoschisi va rahbari Zafar Hoshimov soliq olishning yangi tartibiga qaramasdan, chakana savdodagi narxlar o‘zgarishsiz qolgani haqida ma'lum qilgandi.