OAV: AQSh hukumati yetti yil ichidagi eng korrupsiyalashganiga aylandi

AQShning hozirgi hukumati so‘nggi yetti yil ichidagi eng korrupsiyalashganiga aylandi. Bu haqda Bloomberg xabar bermoqda.

Ta'kidlanishicha, bundan Transparency International tashkiloti tomonidan tuzilgan, 2018 yilgi Korrupsiyani qabul qilish indeksi dalolat bermoqda.

Qayd etilishicha, ushbu reytingda AQSh olti pozitsiyaga tushib ketgan va 22-o‘rinni egallagan.

Tadqiqot mualliflari fikriga ko‘ra, korrupsiyaning o‘sishi global miqyosda demokratiya poydevorini buzayotgan populist siyosatchilar ko‘payib ketgani bilan bog‘liqdir.

Eslatib o‘tamiz, avvalroq Transparency International korrupsiya reytingida O‘zbekiston 158-o‘rinni egallagani xabar qilingandi.