Turkiya Venesuelaning ishlariga tashqaridan aralashish fuqarolar urushiga olib kelishi mumkinligini bildirdi

Foto: AP Photo/Fernando Llano

Yevroparlamentning Venesuela muxolifati yetakchisi Xuan Guaydoni Venesuelaning vaqtinchalik prezidenti deb tan olishi mamlakatda fuqarolar urushi boshlanishiga olib kelishi mumkin. Bu haqda Turkiya tashqi ishlar vaziri Mevlut Chovusho‘g‘lu Buxarestga tashrifi davomida ma'lum qildi.

"Biz Yevroparlamentning Venesuela bo‘yicha qarorini to‘g‘ri deb hisoblamaymiz, mamlakatning ichki ishlariga aralashish fuqarolar urushi boshlanishiga olib kelishi mumkin", -deya iqtibos keltiradi TRT telekanali vazirning so‘zlaridan.

Payshanba kuni Yevroparlament Xuan Guaydoni Venesuelaning vaqtinchalik prezidenti deb tan oluvchi rezolyutsiyani ma'qulladi va Yevroittifoq davlatlarini ham Guaydoni tan olishga chaqirdi.

Tayyorlagan Дилшод Аскаров

#Turkiya #Venesuela

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi