2019 йилнинг 11-24 февраль кунлари курилиш соҳаси бўйича чет эл тажрибасини ўрганиш юзасидан ташкил этилган ишчи гуруҳлар Россия, Беларусь, Туркия ва Озарбойжонга юборилади. Бу ҳақда Вазирлар Маҳкамасининг тегишли фармойишида айтилган.
Қайд этилишича, ишчи гуруҳлар қурилиш соҳасининг бугунги аҳволини, замонавий халқаро талаблар ва стандартларга жавоб бериши масалаларини комплекс ўрганиш мақсадида юқоридаги давлатларга юборилади ва хизмат сафари доирасида мутасадди ташкилотлар билан учрашувлар ўтказади.
Ишчи гуруҳлар зиммасига Россия, Беларусь, Туркия ва Озарбойжоннинг қурилиш соҳасидаги тажрибасини ўрганиш ва хизмат сафари якунлари бўйича уларни мамлакатимизда амалга ошириладиган лойиҳалаштириш ва қурилиш ишларига татбиқ этиш юзасидан тегишли таклифларни киритиш вазифаси юкланди.
