Gruziya sobiq prezidenti Mixail Saakashvilining Belgiyadagi Lej shahrida muhojirlar bilan uchrashuv paytida ma'lum qilishicha, mamlakatdagi mavjud vaziyat uning qaytib kelishi uchun mos emasdir. Bu haqda RIA «Novosti» mahalliy televideniyega asosan xabar bermoqda.
Uning so‘zlariga ko‘ra, unga vatanga qaytish haqida tez-tez savol berishmoqda, ammo hozirgi paytda mamlakatdagi vaziyat «tayyor emas». Saakashvilining ta'kidlashicha, Gruziyaga borishni rejalashtirmoqda, ammo bu «kelgusi haftalar va oylar ichida» vaziyat tayyorlanganidan so‘ng yuz beradi.
«Sening mamlakating qanday qilib yo‘q qilib tashlanayotganini uzoqdan kuzatib bo‘lmaydi», - deya qo‘shimcha qilib o‘tdi Saakashvili.
Shuningdek, Gruziya sobiq rahbarining ma'lum qilishicha, mamlakatda hokimiyatni tinch yo‘l bilan o‘zgartirish rejasiga ega. Bundan tashqari, u Gruziyada tug‘ilgan va asli kelib chiqishiga ko‘ra gruzin bo‘lgan barchaga Gruziya fuqaroligini berish haqida va'da qildi.
Eslatib o‘tamiz, avvalroq Saakashvili Gruziyada hokimiyatni o‘zgartirishga chaqirgandi.
