Qirg‘izistonlik vazir O‘zbekistonga kartoshka jo‘natish bo‘yicha yangi taklif bilan chiqdi

Ayni paytda O‘zbekiston Qirg‘iziston kartoshkasini sotib olishda davom etmoqda. Bu haqda «Respublika-Ata-Jurt» fraksiyasi yig‘ilishida, bugun, 22 fevral kuni, mamlakat qishloq xo‘jaligi, oziq-ovqat sanoati va melioratsiya vaziri Nurbek Murashev xabar berdi.

«Agar bu yerda kartoshkaning bir kilogrammi 5 somdan sotib olinayotgan bo‘lsa, unda transport xarajatlari ham 5 somni tashkil qiladi, plyus O‘zbekiston hududida 20 foizlik QQS bor va kartoshkaning narxi 12 somga teng bo‘lmoqda», - deya aniqlik kiritdi vazirlik rahbari.

Uning fikricha, kartoshkani avtotransport bilan emas, balki temir yo‘li orqali eksportga jo‘natish foydaliroq bo‘lardi.

Deputatlar yana qaysi mamlakatlarga kartoshka eksport qilinayotgani bilan qiziqishgan.

Vazirning xabar berishicha, Qozog‘iston ham bundan manfaatdor.

«Ammo, rostini aytganda, bugungi kunga qadar ular bizdan katta miqdorda sotib olmagan», - deya tan oldi vazir.