Yangi Zelandiya hukumati qurol savdosi qoidalarini o‘zgartirishga va'da berdi

Yangi Zelandiya bosh vaziri Jasinda Ardernning ma'lum qilishicha, Kraystcherch shahri masjidlarida ro‘y bergan ommaviy qotilliklardan keyin qurollar savdosi qoidalari o‘zgartiriladi.

«Men hozirning o‘zida shuni aytmoqchiman: qurollar savdosi bo‘yicha qonunchiligimiz o‘zgaradi. Urinishlar avval ham bo‘lgan, endi esa vaqti keldi», - dedi u.

Rasmiylar yarim avtomat qurol savdosini cheklash va uni harbiy namunadagi qurolga yaqinlashtiruvchi modifikatsiyalariga taqiq qo‘yish imkoniyatini ko‘rib chiqadi. Hujum qilish holati bo‘yicha asosiy gumondor qurollangan bo‘lgan, xususan, u qonuniy ravishda xarid qilingan yarim avtomat miltiqlarga ega edi, ular hujumdan avval o‘zgartirilgan.

Yangi Zelandiyada hozirgi kunda yarim avtomat miltiqlarni oddiy litsenziyaga ega bo‘lgan holda sotib olish mumkin, u qurolni ro‘yxatdan o‘tkazishni talab qilmaydi, deb yozmoqda The Guardian.

Bundan oldin, politsiya yangi zelandiyalik terrorchini yana bir teraktda ayblashi mumkin ekani xabar berilgandi.