«Yuventus»ning ilk mag‘lubiyati, gollarga boy tarzda o‘tgan Milan derbisi va Italiya chempionatida turning boshqa voqealari

3-daqiqadayoq «Inter» hisobni ochishga muvaffaq bo‘ldi. Perishich – Martines kombinatsiyasini Vesino aniq zarba bilan yakunlab, to‘pni darvozaga kiritdi. Oradan biroz vaqt o‘tgach, Shkrinyar «Milan»ni «kechirdi». U juda yaqin masofadan to‘pni darvozaga yo‘llay olmadi. Ikkinchi bo‘lim boshlanishi bilan «Inter» hisobdagi farqni oshirdi. De Vrey burchak zarbasidan yetkazilgan to‘pni boshi bilan darvozaga joyladi.

57-daqiqada Bakayoko boshi bilan aniq zarba yo‘llab hisobni qisqartirgan edi. Ammo oradan 10 daqiqa o‘tgach, Martines penaltini bexato amalga oshirib, 2ta to‘p farqni tikladi. Bu hisob atigi 4 daqiqa ushlanib turdi – jarima maydoni ichidagi pala-partishlikdan foydalanib, Musakko yaqin masofadan gol urdi. 2:3 hisobi o‘yin oxiriga qadar o‘zgarmadi va «Inter» juda muhim g‘alabani qo‘lga kiritdi.

Bu natijadan so‘ng, «Inter» 53 ochko bilan 3-o‘ringa chiqib oldi, «Milan» esa 51 ochko bilan 4-o‘ringa tushdi.

Milan – Inter 2:3 (0:1, 2:2)
17 mart, «Juzeppe Meatssa (San-Siro)» stadioni
Gollar: 0:1 – 3 Vesino, 0:2 – 51 de Vrey, 1:2 – 57 Bakayoko, 1:3 – 67, penalti Martines, 2:3 – 71 Musakko.
Milan – Donnarumma, Kalabriya, Musakko, Romanoli, Rodriges (Kutrone, 58), Kessie (Konti, 69), Bakayoko, Lukas Paketa (Kastilexo, 46), Suso, Pyontek, Chalxanoglu.
Inter – Xandanovich, D`Ambrozio, de Vrey, Shkrinyar, Asamoa, Vesino (Ranokkiya, 90), Brozovich (Valero, 73), Galyardini, Politano (Kandreva, 84), Martines, Perishich.
Ogohlantirishlar: Brozovich (14), Rodriges (32), Romanoli (66), Vesino (79), Suso (79), Konti (89), Galyardini (90).

«NAPOLI» MUVAFFAQIYaTSIZ SeRIYaGA BARHAM BeRDI

«Napoli» o‘z maydonida «Udineze» bilan o‘ynadi va 4:2 hisobida qiyinchilik bilan g‘alaba qozondi. Avvalgi 2 turdagi mag‘lubiyat va durangdan so‘ng, neapolliklar o‘z muxlislarini xursand qilishga muvaffaq bo‘lishdi.

1-bo‘lim gollarga boy tarzda o‘tdi. Dastlab «Napoli» Yunus va Kalexon gollari evaziga 2:0 hisobida oldinga o‘tib oldi. Biroq, qisqa muddatli xotirjamlik mezbonlarga qimmatga tushdi. «Udineze» 6 daqiqa ichida Lazanya va Fofana gollari evaziga hisobni tenglashtira oldi. Ikkinchi bo‘limni «Napoli» yaxshi o‘tkazdi va yana 2ta gol urib, yakunda g‘alaba qozonishga muvaffaq bo‘ldi. 57-daqiqada Milik, 70-daqiqada Mertens gol urib, jamoasining g‘alabasiga hissa qo‘shishdi.

Bu natijadan so‘ng, «Napoli» 60 ochko bilan 2-o‘rinda, «Udineze» esa 25 ochko bilan 16-o‘rinda bormoqda.

Napoli – Udineze 4:2 (2:2, 2:0)
17 mart, «San-Paolo» stadioni
Gollar: 1:0 – 17 Yunus, 2:0 – 26 Kalexon, 2:1 – 30 Lazanya, 2:2 – 36 Fofana, 3:2 – 57 Milik, 4:2 – 69 Mertens.
Napoli – Ospina (Meret, 44), Malkyui (Xyusay, 86), Maksimovich, Kulibali, Gulyam, Kalexon, Allan, Zelinski, Yunus (Verdi, 56), Milik, Mertens.
Udineze – Musso, Larsen (Okaka Chuka, 86), Trost-Ekong, Mandragora, ter Avest (De Mayo, 68), Fofana, Sandro (Ingelsson, 64), de Paul, Zegelar, Pussetto, Lazanya.
Ogohlantirishlar: Zelinski (11), Sandro (13).

28-TURNING BARChA NATIJALARI

15 mart
Kalyari – Fiorentina 2:1 (0:0, 2:1)
Gollar: 1:0 – 52 Joao Pedro, 2:0 – 66 Cheppitelli, 2:1 – 88 Keza.

16 mart
Sassuolo – Sampdoriya 3:5 (1:3, 2:2)
Gollar: 0:1 – 15 Defrel, 0:2 – 36 Kualyarella, 1:2 – 38 Boga, 1:3 – 39 Linetti, 1:4 – 46 Prat, 2:4 – 63 Dankan, 2:5 – 72 Gabbyadini, 3:5 – 90 El-Babakar.

SPAL – Roma 2:1 (1:0, 1:1)
Gollar: 1:0 – 22 Fares, 1:1 – 53, penalti Perotti, 2:1 – 59, penalti Petanya.

Torino – Bolonya 2:3 (1:2, 1:1)
Gollar: 1:0 – 6, avtogol Pulgar, 1:1 – 29 Poli, 1:2 – 34, penalti Pulgar, 1:3 – 64 Orsolini, 2:3 – 89 Itsso.

Chetlatishlar: Voynovich (88, Bolonya), Ayna (90, Torino).

17 mart
Jyenoa – Yuventus 2:0 (0:0, 2:0)
Gollar: 1:0 – 72 Sturaro, 2:0 – 81 Pandev.

Latsio – Parma 4:1 (4:0, 0:1)
Gollar: 1:0 – 22 Marushich, 2:0 – 26, penalti Luis Alberto, 3:0 – 38 Luis Alberto, 4:0 – 44 Lulich, 4:1 – 77 Sprokati.

Atalanta – Kevo 1:1 (0:1, 1:0)
Gollar: 0:1 – 32 Mejorini, 1:1 – 55 Ilichich.

Empoli – Frozinone 2:1 (2:0, 0:1)
Gollar: 1:0 – 20, penalti Kaputo, 2:0 – 38 Payach, 2:1 – 70 Valsania.

Napoli – Udineze 4:2 (2:2, 2:0)
Gollar: 1:0 – 17 Yunus, 2:0 – 26 Kalexon, 2:1 – 30 Lazanya, 2:2 – 36 Fofana, 3:2 – 57 Milik, 4:2 – 69 Mertens.

Milan – Inter 2:3 (0:1, 2:2)
Gollar: 0:1 – 3 Vesino, 0:2 – 51 de Vrey, 1:2 – 57 Bakayoko, 1:3 – 67, penalti Martines, 2:3 – 71 Musakko.

A SeRIYa JADVALI

A SeRIYa TO‘PURARLARI

21 - Fabio Kualyarella (Sampdoriya, 6 pen)
20 - Kshishtof Pyontek (Jyenoa/Milan, 2)
19 - Krishtianu Ronaldu (Yuventus, 5)
17 - Duvan Sapata (Atalanta, 1)
15 - Arkadiush Milik (Napoli)
13 - Franchesko Kaputo (Empoli, 3), Chiro Immobile (Latsio, 3)
11 - Andrea Petanya (SPAL, 3)
10 - Andrea Belotti (Torino, 4), Leonardo Pavoletti (Kalyari)

28-TURNING RAMZIY TeRMA JAMOASI

29-TUR O‘YINLARI

31 mart
Bolonya - Sassuolo
Inter - Latsio
Kevo - Kalyari
Parma - Atalanta
Roma - Napoli
Sampdoriya - Milan
Udineze - Jyenoa
Fiorentina - Torino
Frozinone - SPAL
Yuventus - Empoli

«Chipta pulini qaytaring!» - «Jyenoa» muxlislarining g‘alati talabi

28-turdan o‘rin olgan «Jyenoa» - «Yuventus» o‘yinidan oldin qiziq voqea yuz berdi.

«Luiji Ferraris»da o‘tadigan bahs uchun chiqarilgan barcha chiptalar bir necha kun oldin sotib yuborilgan edi. Ammo, Krishtianu Ronaldu «Yuventus» qaydnomasiga kiritilmagach, mahalliy muxlislar «Jyenoa» ofisiga qo‘ng‘iroq qilib, chiptalar uchun to‘langan pulni qaytarishni talab qilishgan. Klub rahbariyati esa buning iloji yo‘qligini ma'lum qilgan.

Qizig‘i shundaki, «Jyenoa» bu o‘yinda «Yuventus»ni 2:0 hisobida mag‘lub etishga muvaffaq bo‘ldi. Bu turinliklarning A Seriya joriy mavsumidagi ilk mag‘lubiyati bo‘ldi.

28-turda yuqori sermahsullik namoyish qilindi

A Seriya 28-turida jamoalar juda ko‘p gol urib, muxlislarni xursand qilishga muvaffaq bo‘lishdi.

O‘tkazilgan 10ta o‘yinda darvozalar 42 marta ishg‘ol qilindi. Bu esa har bir o‘yinda o‘rtacha 4,2 gol demakdir.

Eng ko‘p gol «Sassuolo» - «Sampdoriya» o‘yinida urildi - 8ta. Mezbonlar bu bahsda 3:5 hisobida mag‘lubiyatga uchradilar.

Krishtianu Ronaldu Italiya chempionatini yuqori saviyada ekanini tan oldi

Krishtianu Ronaldu Italiya chempionatini hujumchilar uchun eng murakkab deb hisoblamoqda.

«Ispaniya yoki Portugaliyani sog‘inmadim. Men ajoyib klubni tark etdim, u yerda do‘stlarim qoldi, ammo hozir Italiyada ham shu narsalarga egaman. Menga ko‘chib o‘tish qiyin bo‘lmadi – taqvimimiz juda tig‘iz, ammo bu yerda to‘p tepish men uchun juda qiziq va sharoitga ham tezda ko‘nikib oldim. A Seriyada gol urish Ispaniyadan qiyinroq, chunki u yerda jamoalar ochiq o‘yin namoyish qilishadi. Bu yerda esa e'tibor himoyaga qaratilarkan, hujumga emas. Men 5 yil Angliyada o‘ynaganman va tan olishim kerak, Italiyada gol urish ancha qiyin», — deb Ronaldu so‘zlarini keltirmoqda Marca.