Toshkent viloyatida fotoradarga tushuvchilar o‘rtasida yetakchilik poytaxt haydovchilarida

M39 “Olmaota-Bishkek-Toshkent-Termiz” avtomobil yo‘li, A373 “Toshkent-O‘sh” avtomobil yo‘li, 4R12 “Bektemir-Chirchiq-G‘azalkent-Chorbog‘” avtomobil yo‘li, 4R2 “Toshkent sh.-To‘ytepa sh.-A373 avtoyo‘li” avtomobil yo‘llarida maxsus avtomatlashtirilgan foto va video qayd etish texnika vositalari onlayn rejimda ishlab kelmoqda. O‘tgan uch kun mobaynida ushbu fotoradarlar orqali 1275 ta tezlikni oshirish holatlari aniqlandi. 

Ushbu aniqlangan uchar haydovchilar ro‘yxatida Toshkent shahri haydovchilari yetakchilik qilmoqda. Uch kunlik holatga ko‘ra, Toshkent shahridan 414 ta, Toshkent viloyatidan 292 ta, Sirdaryo viloyatidan 142 ta, Qashqadaryo viloyatidan 108 ta, Samarqand viloyatidan 95 ta, Jizzax viloyatidan 87 ta, Surxondaryo viloyatidan 61 ta,  Buxoro viloyatidan 21 ta, Xorazm viloyatidan 16 ta, Navoiy viloyatidan 15 ta va  Qoraqalpog‘iston Respublikasidan 6 ta avtomobillar Toshkent viloyati fotoradarlar “nigohi”ga tushgan.

Ushbu aniqlangan qoidabuzarliklar to‘g‘risidagi ma'lumotlar, ya'ni avtomobil raqami, sana, vaqt va voqea joyi “O‘zbekiston pochtasi”ning ma'lumotlarni qayta ishlash markaziga orqali qoidabuzarni sodir etgan haydovchi va yuridik shaxslarning manziliga pochta orqali jo‘natildi.