Poroshenko va Zelenskiy o‘rtasidagi debatlarga chiptalar sotish taklif qilindi

Ukrainalik siyosatshunos Ruslan Bortnik Ukraina prezidenti lavozimiga nomzodlar Vladimir Zelenskiy va Pyotr Poroshenko o‘rtasidagi debatlarga chiptalar sotishni taklif qildi. U bu taklifni NewsOne efirida bildirgan.

“Bu duet uchun ming grivnadan bemalol olish mumkin. Odamlar bunda bajonidil ishtirok etadilar. Bunday tadbirlarga xos tarzda suratlar, parallel ravishda xot-doglar sotish mumkin. O‘rtani qizdirish uchun albatta “Okean Elza”dan Svyatoslav Vakarchukni taklif qilish kerak”, deb aytgan Bortnik.

3 aprelda Zelenskiy Poroshenkoni mamlakatdagi eng katta stadion “Olimpiyskiy”da debatlar o‘tkazishga chaqirgan. Poroshenko bu taklifni qabul qilgan. Zelenskiy debatlar moderatori roliga prezident saylovlarining 1-bosqichidan o‘ta olmagan Yuliya Timoshenkoni taklif qilgan.

Saylovlarning 1-bosqichi 31 mart kuni bo‘lib o‘tdi, 2-bosqich esa 21 aprelga belgilangan.