Salvador Venesuelaning barcha diplomatlarini mamlakatdan chiqarib yuboradi

Qayd etilishicha, "Salvador hukumati Maduro rejimining diplomatik korpusi mamlakatni tark etishi uchun 48 soat muhlat beradi".

Salvador Venesuelaning barcha diplomatlari mamlakatni tark etishi uchun 48 soat muhlat beradi. Bu haqda Reuters agentligi xabar berdi.

Agentlikning bildirishicha, Salvador hukumati Nikolas Maduroni Venesuelaning qonuniy prezidenti deb hisoblamaydi va muxolifat yetakchisi Xuan Guaydoni mamlakat rahbari deb hisoblaydi.

Qayd etilishicha, "Salvador hukumati Maduro rejimining diplomatik korpusi mamlakatni tark etishi uchun 48 soat muhlat beradi".

Venesueladagi vaziyat shu yilning 23 yanvarida muxolifat yetakchisi Xuan Guaydo o‘zini mamlakat prezidenti deb e'lon qilganidan so‘ng keskinlashdi. Uni AQSh va boshqa qator davlatlar mamlakat rahbari deb tan oldi.

Mamlakatning amaldagi prezidenti Nikolas Maduro buni davlat to‘ntarishi deb atadi.