Anzur Ismoilov «Paxtakor» bilan muzokara o‘tkazdi, u Simichning o‘rnini egallashi mumkin

Ushbu mavsumda Toshkentning «Lokomotiv» klubi sharafini himoya qilgan Anzur Ismoilov kelasi mavsumni boshqa jamoada boshlashi mumkin.

«Temiryo‘lchilar» bilan amaldagi shartnomasi nihoyasiga yetayotgan tajribali himoyachiga «Paxtakor» klubi qiziqish bildirgan. 2020 yilda katta maqsadlarni ko‘zlayotgan klub rahbariyati Anzur Ismoilov bilan bu borada muzokara o‘tkazgan.

 O‘zbekiston milliy jamoasi sobiq himoyachisi «Paxtakor»da bu yil shartnomasi tugagan va jamoani tark etishi kutilayotgan chernogoriyalik markaziy himoyachi Marko Simichning o‘rnini egallashi kutilmoqda.

 Ma'lumot uchun, Anzur Ismoilov 2019 yilgi mavsumda Superligada eng ko‘p – 26 o‘yinda, to‘liq 2340 daqiqa to‘p surgan.